Serikali na wafadhili wajenga Bweni la watoto wenye mahitaji maalum

Posted on: August 21st, 2022

Serikali kwa kushirikiana na shirika lisilo la kiserikali la Karimu Heart and Spirit Organization (KAHESO) na Wananchi wa kata ya Ayalagaya wamejenga Bweni la  Kisasa la Wanafunzi wenye Mahitaji maalum. Afisa Elimu Shule za Msingi H/Wilaya ya Babati Getrude Kavishe  akiwa na ugeni wa Shirika hilo leo kwenye Bweni hilo lililoko shule ya Msingi Dareda kati kata ya Ayalagaya  ameeleza kuwa wafadhili  wametembelea bweni hilo na kuona ujenzi unavyoendelea na  wamepongeza sana. Aidha Afisa Elimu amesema ujenzi huo ukikamilika utasaidia kuinua kiwango cha elimu kwa watoto wenye mahitaji maalumu wa Halmashauri ya Wilaya ya Babati  na mikoa jirani kwani bweni hilo litawekwa miundombinu yote inayohitajika  kwa watoto wenye mahitaji maalum. Kwa sasa bweni hilo limefikia hatua ya  ukamilishaji.