RC Manyara, Wanufaika TASAF Fanyeni Shughuli za Maendeleo.

Posted on: April 28th, 2021

Mkuu wa Mkoa wa Manyara Mhe. Joseph Joseph Mkirikiti amezipongeza Kaya zilizoko kwenye Mpango  wa kunusuru Kaya Masikini TASAF zinazopokea fedha na kuzitumia vizuri katika shughuli za Maendeleo. Hayo amesema leo kwenye Mkutano wa hadhara Kijiji cha Matufa Kata ya Magugu H/Wilaya ya Babati. " Ni wapongeze sana kaya zote zinazopokea fedha za Mpango wa Kunusuru Kaya Masikini  TASAF kwa kufanya shughuli za maendeleo  ktk maeneo yenu"  amesisitiza kiongozi huyo. Aidha  Katika mkutano huo Mkuu wa Mkoa wa Manyara ameagiza Serikali ya Kijiji cha Matufa kuhakikisha Watoto wote wa Shule ya Msingi wanapata chakula cha mchana shuleni. "Kaeni na Wazazi mjipange, watoto wapate chakula shuleni na wazazi àmbao hawapeleki chakula wachukuliwe hatua za kisheria". amesisitiza Mkuu wa Mkoa.Katika Mkutano huo Mkuu wa Mkoa amesikiliza kero za Wananchi na kuzitatua kisha akatembelea  Wanufaika wa Mpango wa Kunusuru kaya Masikini TASAF na kuona walivyonufaika na Mpango huo.