Mtendaji wa Kijiji aomba wananchi kuendelea kutunza mazingira

Posted on: September 1st, 2022

Katika kipindi hiki cha Mwezi August na Septamba ni kipindi cha Kiangazi kwa mkoa wa Manyara, lakini Wananchi wa Kata ya Madunga Tarafa ya Bashnet H/Wilaya ya Babati kwao ni neema kama unavyoona kwenye picha. Wananchi wanatumia kipindi hiki kulima vitunguu saumu na vitunguu maji kwa  wingi ili kujipatia kipato.Mtendaji wa Kijiji cha Utwali Syilvester Opapa anasema Bonde la mto Endayaya ni chanzo cha Mapato kwa   wananchi wa Kata hiyo kwani hutumika kwa kilimo  mwaka mzima kwa kulima mazao mbalimbali na kuna kilimo cha umwagiliaji ambacho chanzo cha Maji hayo ni msitu wa Nou . Mtendaji huyo ameomba wananchi wa Kata za Madunga na Qameyu kuendelea kutunza mazingira ili bonde hilo liwanufaishe wananchi na taifa kwa ujumla.Bonde hilo hulimwa mahindi, vitunguu, viazi na mazao mengine kwa mwaka mzima.