Mkurugenzi Mbogo Atoa Somo kwa Vikundi vya Kukabiliana na Tembo

Posted on: June 28th, 2024

Mkurugenzi Mtendaji wa Halmashauri ya Wilaya ya Babati Anna Mbogo amepongeza mtandao wa vikundi vya Tembo pilipili kwa uhifadhi rafiki wa wanyamapori na  mazingira. Hayo ameyasema leo  kwenye Kongamano la Vikundi vya kukabiliana na Tembo kwa njia rafiki lililofanyika katika kijiji cha Moyamayoka kata ya Mwada "Kongamano hili pamoja na mafunzo tuliopata limetupa njia rafiki yakukabiliana na Tembo kuharibu mazao na kuvamia makazi ya watu iitwayo Chill fance twende tukazitumie na kuwafundisha wengine katika maeneo yetu" amesisitiza kiongozi huyo. Aidha amepongeza wadau wote walioshiriki kuandaa kongamano na kutoa mafunzo katika vikundi hivyo kuwa njia hiyo itasaidia kupunguza hadha ya tembo kuharibu mazao na kuvamia makazi. Vikundi vilivyo shiriki kongamano hilo ni tembo pilipili Tarangile, Lake Manyara na Ngorongoro .