Mkurugenzi Apongezwa Kwa Utendaji Kazi Mzuri

Posted on: June 20th, 2025

Katika utamaduni wa Mtanzania, ukifanya vizuri utapewa zawadi, Hii imeshangaza na kuvutia  wengi kuona wahe. Madiwani wa Halmashauri wa Wilaya ya Babati Mkoani Manyara wakitoa pongezi na  zawadi  nyingi kwa Mkurugenzi  Mtendaji Anna Mbogo.Wakiongea katika Mkutano Maalum wa Baraza la Madiwani wa kuvunja Baraza hilo leo katika Ukumbi wa Halmashauri, Madiwani hao wamesema wametoa zawadi na pongezi  kwa Mkurugenzi Mtendaji  huyo kwa kuthamini uongozi wake , ujenzi wa miradi mikubwa, ufuatiliaji wa miradi, msikivu  na mtu anaye jali watu wote. Siku ya kuvunja Baraza la Madiwani limetanguliwa na Dua ya kuliombea Taifa na Halmashauri na kusoma taarifa ya mafanikio  katika sekta zote  kwa kipindi cha Mwaka 2020 hadi 2025.ili Somwa na Mkurugenzi huyo na kuonesha mafanikio Kwa Kila kata.