Miundombinu Bora Chachu ya Maendeleo

Posted on: February 11th, 2021

Mkuu wa Mkoa wa Manyara Mhe. Joseph Mkirikiti ameitaka jamii na wanafunzi  kuheshimu na kuitunza miundombinu ya shule inayojengwa na Serikali na jamii kwa ujumla ili ilete maendeleo endelevu. Kiongozi huyo ameyasema leo kwenye hafla fupi ya Makabidhiano ya  Bati 950 kutoka Bank ya NMB iliyofanyika ktk shule ya Sekondari  Gallapo Kata na Kijiji cha Gallapo H/Wilaya ya Babati, "Tunawashukuru sana Bank ya NMB kwa mchango wa Bati 950 yenye thamani ya Tsh  28,180,000 kwa  H/ W ya Babati tunasema  umepunguza kazi kwa Wazazi na Serikali" amesisitiza kiongozi huyo. Awali Mkurugenzi Mtendaji wa H/Wilaya ya Babati Ndg John J. Nchimbi  amemshukuru Meneja wa NMB Kanda ya Kati Ndg Msolo Mlonzi kwa msaada huo na kusema utapunguza  vyuma vya madarasa yaliyokuwa yanahitajika kwa ajili ya Wanafunzi wa kidato cha kwanza  mwaka 2021.