Kituo Cha Afya Madunga Kufunguliwa Mwezi Novemba

Posted on: November 4th, 2022

Mkuu wa Wilaya ya Babati Mhe. Lazaro Twange ameagiza kituo Cha Afya Madunga kuanza kutumika tarehe 15/11/2022. Mkuu wa Wilaya ameyasema hayo leo kwenye Mkutano wa Baraza la Madiwani la H/ Wilaya ya Babati lililofanyika leo Ktk ukumbi wa H/ Wilaya ya Babati. " Serikali imeendelea kutoa fedha nyingi zinazotekeleza miradi ya maendeleo Ktk sekta ya Afya na Elimu, hivyo miradi hiyo isimamiwe kikamilifu na ianze kutoa huduma Kwa Wananchi" amesisitiza kiongozi huyo. Aidha amesisitiza vituo vingine vya Afya vya Bashnet na Ayasanda ujenzi ukamilike ili Wananchi wapate huduma iliyokusudiwa. H/ Wilaya ya Babati inavyo vituo  vitano vinavyojengwa  na Serikali na  ujenzi unaendelea  ambavyo ni, Gidas, Ayasanda, Bashnet, Ayasanda na Madunga.