Kero za Mawasiliano Wilayani Babati Zasikilizwa na Kupatiwa Ufumbuzi

Posted on: January 20th, 2022

Naibu waziri wa Habari,Mawasiliano na Teknolojia ya Habari Mhe. Eng. Kudo  Mathew ametembelea Wilaya ya Babati  leo  kusikiliza na kutatua kero za Mawasiliano ya simu. Mhe.Naibu waziri akiwa Kijiji cha  Imbilili Kata ya Signo H/ Mji wa Babati amesikiliza wananchi  na kujionea mwenyewe ukosefu wa mawasiliano na kuagiza kampuni ya Halotel kukamilisha ujenzi wa mnara kabla ya mwezi wa nne mwaka huu , Pia akiwa Kijiji cha Endadment kata ya Gidas H/ Wilaya ya Babati amegundua tatizo ni kubwa la ukosefu wa mawasiliano na kuahidi serikali itajenga mnara kurahisisha mawasiliano katika kata hiyo na kata jirani, aidha akiwa kijiji cha Ufana kata ya Ufana H/ Wilaya ya Babati ameona kuna tatizo la mawasiliano ya Simu kata za Ufana na secheda na kuahidi serikali itajenga mnara kwa ajili ya kurahisisha mawasiliano ktk kata hizo. Katika ziara hiyo Naibu Waziri ameongozana na Maofisa kutoka  Wizara na taasisi zilizoko chini Wizara yake na Kamati ya ulinzi na usalama ya Wilaya ya Babati.