Katibu Mkuu TAMISEMI Asisitiza Maboma ya Shule za Sekondari Kukamilika

Posted on: May 25th, 2019

Katibu Mkuu Ofisi ya Rais TAMISEMI Dkt Joseph Nyamhanga ameagiza  Wakurugenzi wote nchini kuhakikisha fedha zote zilizoletwa kukamilisha ujenzi wa Maboma kwa shule za Sekondari  zinatumika kikamilifu kukamilisha ujenzi   huo kabla ya tarehe 30,June 2019 vingenevyo fedha hizo zitahamishiwa kwenye Miradi mingine.Katibu Mkuu ameyasema hayo leo Katika Shule ya Sekondari Gichameda iliyoko kata ya Magugu Halmashauri ya Wilaya ya Babati Mkoa wa Manyara katika siku ya kwanza ya ziara yake ya kikazi  Mkoani Manyara.Akiwa Halmashauri ya Wilaya ya Babati ametembelea na kukagua Kituo cha Afya Nkait,Kituo cha Afya Magugu,Shule ya Sekondari Gichameda na Ghala la kuhifadhi mazao  lililoko katika Kijiji cha Matufa kata ya Magugu ambapo amempongeza Mkurugenzi Mtendaji wa Halmashauri ya Wilaya ya Babati,Wakuu wa Idara na Wananchi wote kwa ujenzi na usimamizi na akawaagiza Miradi hiyo waisimamie vizuri,waitunze  ili itoe huduma bora kwa Wananchi.