Halmashauri Yatarajia Kutumia bilion 59 kwa Mwaka wa fedha 2024/2025

Posted on: January 23rd, 2024

Halmashauri ya Wilaya ya Babati Mkoani Manyara inatarajia kukusanya na kutumia kiasi chaTsh 59,091,932,000 kwa mwaka wa fedha 2024/2025. Wakijadili na kupitisha mapendekezo ya makadirio ya mpango na bajeti ya mapato na matumizi kwa mwaka wa fedha 2024/2025 leo kwenye mkutano wa Baraza la Madiwani uliofanyika Makao Makuu ya H/Wilaya ya Babati, Mwenyekiti wa Baraza la hilo  Mhe, John Noya amesema bajeti hiyo imeongezeka kwa asilimia 14 ikilinganishwa na bajeti ya mwaka jana ya makisio ya Tsh 51,927,333,000ya mwaka 2023/2024. Mhe.Noya  ameongeza kuwa ongezeko hilo limetokana na kuongezeka kwa bajeti ya makusanyo ya mapato ya ndani, mishahara ya watumishi,wadau wa maendeleo, na michango ya wananchi.Mhe Noya ametumia fursa hiyo kuwashukuru Madiwani, Watumishi wadau wa maendeleo na wananchi kwa kazi na ushirikiano katika kuchangia miradi na shughuli za maendeo.Wakati huohuo Mkurugenzi Mtendaji wa  H/ Wilaya ya Babati Anna Mbogo amepongeza Serikali kuu kuendelea kuleta fedha  ili kukamilisha miradi ya maendeleo