Halmashauri ya Wilaya ya Babati yatoa mafunzo ya Ukusanyaji wa Kodi ya majengo

Posted on: April 17th, 2025

Halmashauri ya Wilaya ya Babati imeanza kutoa mafunzo ya ukusanyaji kodi ya Majengo, Pango la Ardhi na ushuru wa mabango  kwa Watendaji Vijiji na Kata.Akifungua mafunzo hayo leo katika Ukumbi wa Halmashauri ya Wilaya Kaimu Mkurugenzi Mtendaji wa Halmashauri ya Wilaya ya Babati  Godfrey Jafary amesema Serikali imefanya marekebisho mbalimbali kwenye Sheria ya Fedha Na. 2 ya Mwaka 2023 Mabadiliko hayo yameweka jukumu la kusimamia na kukusanya Kodi ya Majengo, Kodi ya Pango la Ardhi na ushuru wa Mabango  utakusanywa na mamlaka ya Serikali za mitaa isipokuwa Majengo yaliyosamehewa kwa mujibu wa Sheria ya Serikali za mitaa ( utozajiwa Kodi za Majengo sura 289. Ndg Jafar amesisitiza washiriki hao mara baada ya mafunzo kwenda kufanya utekelezaji kwanza kwa kutoa Elimu kwa wananchi  kupitia mikutano na vikao mbalimbali vya kisheria.Washiriki wa mafunzo hayo wameshukuru Serikali kwa utoaji Elimu hiyo na kuhaidi kwenda kutekeleza