Halmashauri ya Wilaya ya Babati Kugawa Bati Bure- Kuezeka Madarasa

Posted on: November 3rd, 2017

Halmashauri ya  Wilaya ya Babati imeahidi kutoa Bati kwa ajili ya kumalizia  Majengo ya Madarasa ya Shule za Sekondari  ambayo   yamefikia  hatua ya kuweka   ya Kupauliwa na kuwataka  Madiwani kuharakisha  ujenzi  ya Majengo hayo.Hayo yamesemwa na Mkurugenzi Mtendaji wa Halmashauri ya Wilaya ya Babati Ndg Hamisi Iddi Malinga kwenye kikao cha Baraza la Madiwani kilichofanyika katika Ukumbi wa Halmashauri ya Wilaya ya Babati. Mkurungezi huyo amesema amenunua Bati bando 140 zenye thamani ya Milioni Arobaini (40) geji 28 zenye uwezo wa kuezeka madarasa 31 Kwa upande wa Madiwani wamemwomba Mkurugenzi huyo,mgao wa Bati hizo kwa ajili ya kumalizia Nyumba za  Walimu  na Vyoo vya  Wanafunzi  katika  Shule za Sekondari zenye upungufu huo,ili kuleta hamasa kwa Wananchi wanao changia miradi mbalimbali. Sambamba na hilo Mkurugenzi wa Halmashauri ya Wilaya ya Babati amesema nia ya Serikali ni kukamilisha vipao mbele muhimu kama vile Madarasa ya Sekondari ili majengo hayo yaweze kutumiwa na wanafunzi wa  kidato cha kwanza wanaotarajiwa kuingia mwaka 2018.