Elimu ya Kudhibiti Madhara ya Sumu Kuvu Yatakiwa Kutolewa

Posted on: July 5th, 2024

Maofisa ugani Halmashauri ya Wilaya ya Babati wametakiwa kuendelea kutoa elimu ya kudhibiti na madhara ya sumu kuvu kila mara. Hayo yamesemwa na  Afisa Kilimo Kutoka wizara ya Kilimo Ndg Ester Mwaisango kwenye washa ya kupitia vifungu vya Sheria ndogo ya Kudhibiti sumu kuvu kwa Watendaji wa kata iliyofanyika leo katika ukumbi wa Halmashauri ya Wilaya ya Babati" Sumu kuvu ina madhara makubwa kiafya na kiuchumi toeni elimu kila mara".Amesisitiza kiongozi huyo. Kwa upande wake Mwanasheria wa H/Wilaya ya Babati Ndg Godfrey Japhari  ambaye amewapitisha watendaji kwenye sheria ndogo ya Kudhibiti sumu kuvu amesema watendaji wakisimamia sheria hiyo italeta manufaa makubwa kuanzia kuvuna, kuhifadhi mpaka kusafirisha mazao yao. Naye kaimu Mkurugenzi Mtendaji wa H/ W ya Babati Ndg Benedict Ntabagi  amesema sheria ndogo  waliopitia imekamilika hivyo kila mtendaji  atoe elimu kwenye mikutano ya kijiji hadi kata ili wananchi waelewe na akatoa shukurani kwa Wizara kuleta mradi wa kudhibiti  sumu kuvu katika H/Wilaya.