DC Twange Ateta na Wakuu wa Taasisi

Posted on: November 12th, 2023

Mkuu wa Wilaya ya Babati Mhe.Lazaro Twange ameomba taasisi  mbalimbali kushirikiana na Madiwani wa Halmashauri Wilaya Babati katika kuwaletea wananchi maendeleo. Hayo ameyasema leo kwenye kikao kazi cha Madiwani wa H/Wilaya ya Babati, taasisi za TANESCO, RUWASA, BAWASA  na  TARURA kilichofanyika katika ukumbi wa H/W_ Babati." Tumeitana hapa kufafanua hoja mbalimbali zilizojitokeza kwenye Mkutano wa Baraza la Madiwani uliofanyika trh 4/11 ambapo baadhi ya madiwani walitoa hoja na kutaka ufafanuzi zaidi kutoka baadhi ya taasisi " amesisitiza kiongozi huyo.Akijibu baadhi ya hoja mbunge wa Jimbo la Babati Vijijini Mhe Daniel Sillo amesema Mradi wa Maji Darakuta hadi Minjingu utakamilika   Juni 2024.  Naye Mwenyekiti wa H/W -Babati Mhe. John Noya amesema  Madiwani wanapokwenda kwenye taasisi mbalimbali wanatakiwa kusikilizwa kwani wao ni wawakilishi  wa Wananchi. Kikao hicho kimehudhuriwa na Mkurugenzi Mtendaji, Wakuu wa Idara, Meneja TARURA, RUWASA, TANESCO ambao wametoa taarifa za utekelezaji wa kazi zao .