Baraza la Madiwani Lampongeza DC Twange

Posted on: November 3rd, 2023

Baraza la Madiwani  la H/W Babati limempongeza  Mkuu wa Wilaya ya Babati  Mhe. Lazaro Twange kwa kazi nzuri aliyoifanya ya maandalizi, kusimamia na kushiriki kufanikisha shughuli za mapokezi ya Mbio za Mwenge wa Uhuru katika H/Wilaya na Kilele cha Mbio za Mwenge Kitaifa. Akitoa pongezi hizo leo kwenye Mkutano wa Baraza uliofanyika makao makuu, Mwenyekiti wa Baraza hilo Mhe. John Noya amesema Mkuu wa Wilaya amefanya kazi kubwa ya maandalizi ya mapokezi ya Mwenge kwa Halmashauri na kilele cha mbio za Mwenge kitaifa ambacho kilifanyika katika Wilaya ya Babati. Akipokea pongezi hizo , Mhe. Twange ameshukuru sana  na kusema pongezi hizo ni kwa viongozi wote wa Wilaya ya Babati  kuanzia ngazi ya Kitongoji hadi Wilaya ambao ameshirikiana nao kufanikisha maandalizi ya hayo . Wakati huohuo Mhe. Twange ameagiza madiwani kuendelea kusimamia ujenzi wa miradi ya maendeleo  inayotekelezwa katika kata zao " Tunayo miradi mingi inayotekelezwa kwenye kata zenu simamieni ikamilike kwa wakati na ianze kutoa huduma " amesisitiza