Baraza la Madiwani Babati DC Lapongeza Shirika la STC

Posted on: February 8th, 2025

Baraza la Madiwani la H/Wilaya ya Babati limepongeza shirika la So they can (STC)kwa ujenzi wa miradi inayotoa matokea chanya kwa wananchi. Akiongea kwenye mkutano wa Baraza laMadiwani leo kwenye kikao cha kwanza cha kujadili Mpango na Bajeti kwa mwaka wa fedha 2025/2026 Mwenyekiti wa Baraza hilo Mhe. John Noya amesema anafurahishwa na mpango na Bajeti wa shirika hilo uliowasilishwa kwenye Baraza hilo kuwa utatoa matokeo mazuri kwa wananchi." "Tunawashukuru sana kwa miradi iliyoanzishwa na kutekelezwa na shirika lenu Tarafa ya Babati asanteni sana ushirikiano huo uendelee " amesisitiza kiongozi huyo.Shirika la So they Can lenye makao makuu Mjini Babati limejikita sana katika uboreshaji miundombinu ya shule,kuwaendeleza walimu,Elimu ya kilimo cha Bustani shuleni,kufadhili wanafunzi kwenye masomo. Kwa mwaka wa fedha 2025/2026 shirika hilo linategemea  kutumia Tshs 2.2 billion katika kutekeleza miradi mbalimbali katika shule za Msingi 29 na shule za sekondari 5 kwa kata za Endakiso, Mamire, Qash na Gallapo