Baraza la Madiwani Babati DC wamshukuru Mhe Rais

Posted on: August 3rd, 2022

Baraza la Madiwani H/ Wilaya ya Babati wameishukuru serikali kuu kwa kutoa fedha za ujenzi wa jengo la Utawala Makao makuu ya H/ Wilaya ya Babati. Mwenyekiti wa H/ Wilaya ya Babati Mhe. John Noya  ameyasema hayo  leo kwenye kikao cha Baraza la Madiwani kilichofanyika kwa mara ya kwanza kwenye jengo jipya la H/Wilaya ya Babati lillilojengwa kijiji cha Endasago kata ya Arri " Sisi Baraza la Madiwani tunamshukuru  Rais wa Jamhuri ya Muungano wa Tanzania Mhe. Samia Suluhu  Hassan kwa kutoa fedha za ujenzi wa jengo jipya ambalo tumeanza kulitumia leo" amesisitiza kiongozi huyo . Mpaka sasa Serikali kuu imeishatoa fedha kiasi cha Tsh 2 billioni kwa ajili ya  ujenzi wa jengo la makao makuu ya H/Wilaya Babati. H/Wilaya ya Babati imehamia makao mapya kuanzia leo trh 3/8/2022.ambapo huduma zote zitapatika ktk ofisi hizo.