Bank ya NMB Babati yatoa Madawati 47 Chuo cha Ualimu Mamire

Posted on: February 28th, 2018

Mkuu wa Wilaya ya Babati  Mhe. Eng. Raymond Mushi leo trh 28.2 amepokea Madawati 47 yenye thamani ya Tsh. 5,000,000 kutoka Bank ya NMB tawi la Babati na kuyagawa Chuo cha Ualimu Mamire kilichoko kata ya Mamire Tarafa ya Babati ktk H/W ya Babati .Akikabidhi Madawati hayo Meneja wa NMB Kanda ya Kaskazini Ndg Straton Chilongola amesema kila mwaka wanatoa faida wanayopata kusaidia Jamii, kwani ni kupitia Jamii hiyo ndipo wateja wa NMB wanapotokea hivyo ni wajibu wao kuwasaidi.Katika hotuba yake, Mgeni Rasmi ambaye ni Mkuu wa Wilaya amesisitiza Wanachuo kuyatunza Madawati hayo na kusoma kwa bidii ili Elimu hiyo iwasaidie kuwa na Maisha Mazuri na kujenga nchi yao  na kuepukana na kufanya vitendo vibaya vitakavyoharibu heshima yao na Chuo pia. Makabidhiano hayo yamehudhuriwa na Mkurugenzi Mtendaji wa H/W ya Babati Ndg Hamisi Malinga, Mhe, Diwani wa kata mamire,Meneja wa NMB Babati,Ndg Francis Kasili, Wakufunzi na Viongozi Mbalimbali Kata na Vijiji.