Babati DC Yatoa Tuzo kwa Wadau wa Maendeleo.

Posted on: August 6th, 2024

Halmashauri ya wilaya ya  Babati Mkoa wa Manyara imetoa tuzo   kwa Wild  Impact (Africa Foundation)  na Beyond Lake  Manyara Tree Lodge Wadau wa maendeleo kwa kuthamini mchango mkubwa wa katika kuboresha Elimu. Tuzo hiyo imetolewa na Mwenyekiti wa H/Wilaya ya Babati Mhe.John Noya kwenye  Mkutano wa Baraza la Madiwani  uliofanyika leo kwenye ukumbi wa  H/Wilaya. "Kila mwaka tunatoa tuzo kwa wadau wa maendeleo kwa kuthamini mchango mkubwa wa maendeleo katika Taasisi yetu." Kwa mwaka 2023/2024 tunapongeza na kuthamini mdau Wild Impact (Africa Foundation )na Beyond Lake Manyara tree Lodge kwa ujenzi wa miundombinu ya shule ya Sekondari  The Tara Getty  iliyoko kata ya Magara" Amesisitiza kiongozi. Akipokea Tuzo hiyo kwa niaba ya Wadau hao, Mkuu wa shule ya Sekondari The Tara Getty Laptan Mollel ameshukuru  H/Wilaya kwa kuthamini mchango wa wadau katika ujenzi wa shule hiyo na kuahidi mahusiano mema na taasisi yake.