Wananchi Jitokeze Kuboresha Taarifa Kwenye Zoezi la Uboreshaji Daftari la Kudumu la Wapiga Kura.

Posted on: May 7th, 2025

Wananchi wa Halmashauri ya Wilaya ya Babati wametakiwa kujitokeza kwa wingi katika zoezi la Uboreshaji Daftari la kudumu  la Wapiga kura Awamu ya Pili. Hayo yamesemwa na Mkurugenzi Mtendaji wa H/Wilaya ya Babati Anna Mbogo ambaye pia ni Afisa Mwandikishaji wa Jimbo la Babati Vijijini leo kwenye Mkutano wa Baraza la Madiwani uliofanyika katika Ukumbi  wa Mikutano " Zoezi la Uboreshaji Daftari Awamu ya Pili  kwa Halmashauri yetu litaanza tarehe  16 hadi 22/5/2025 . Wah. Madiwani msaidie kuhamasisha wananchi ambao bado ili waboreshe taarifa zao amesisitiza kiongozi huyo. Aidha amesisitiza Wananchi kwenda kukagua Daftari la awali la kudumu la Wapiga kura ambalo litawekwa wazi kwa kila kituo kilichoandikisha. Halmashauri ya Wilaya ya Babati itakuwa na vituo 36 vya uboreshaji na na vituo hivyo vitakuwa ngazi ya Kata na vitafunguliwa Kila Siku kuanzia saa 2.00 asubuhi na kufungwa saa 12.00 jioni Kwa muda wote wa Siku 7