Shule za Sekondari Ayalagaya, Dareda na Madunga Zaongoza Kimkoa Matokea ya Kidato cha Nne

Posted on: January 29th, 2023

Shule za sekondari Ayalagaya, Dareda pamoja na Madunga ambazo ni shule za kata katika Halmashauri ya wilaya ya babati zimeingia katika kumi bora kimkoa kwa shule zilizofanya vizuri katika matokeo ya kidato cha nne  kwa mwaka 2022 yaliyotangazwa tarehe 29.1.2023.

Shule ya sekondari Ayalagaya ikishika nafasi ya tatu kimkoa, shule ya sekondari Dareda nafasi ya tano huku shule ya sekondari Madunga ikishika nafasi ya sita.Mkurugenzi mtendaji wa Halmashauri ya wilaya ya Babati amewapongeza walimu, wanafunzi pamoja na Maafisa Elimu kwa ushirikiano na kazi kubwa wanayoifanya katika kuboresha Hali ya Taaluma katika Halmashauri ya wilaya ya Babati.