Mkurugenzi Awashukuru Karimu Foundation

Posted on: February 16th, 2024

Mkurugenzi Mtendaji wa Halmashauri ya Wilaya ya Babati Anna Mbogo amewashukuru wafadhili wa Shirika la Karimu Foundation kwa ujenzi wa miradi ya sekta za Maji, Afya, Elimu na ujasilimari katika kata za Ayalagaya na Arri .Hayo ameyasema leo kwenye hafla iliyoandaliwa na wananchi wa kata za Arri na Ayalagaya ya kuwapongeza na kuwaaga kwa msimu huu iliyofanyika S/ Msingi Endasago Kijiji cha Endasago Kata ya Arri. " Tunatoa shukurani na pongezi nyingi kwa Karimu Foundation kwa kazi kubwa nzuri mliofanya asanteni sana na ushirikiano huo uendelee' amesisitiza kiongozi huyo. Mkurugenzi Mbogo amewaelekeza watendaji wa vijiji na kata hizi kusimamia  na kuitunza miradi hiyo ili iwe endelevu na amehaidi kufanya ufuatiliaji wa kila mara kuhakikisha miradi hiyo inaendelezwa kwa ustawi wa wananchi wa kata  za Arri na Ayalagaya. Shirika la Karim Foundation lenye makao Makuu kata ya Ayalagaya  limekuwa mkombozi kwa kata za Arri na Ayalagaya kwa kufadhili miradi mbalimbali na kuwajengea uwezo wananchi ili wajitegemee.