Elimu ya Ufukuzaji Tembo Yatakiwa Kutolewa

Posted on: May 19th, 2024

Mkuu wa Wilaya ya Babati Lazaro Twange ameagiza Mhifadhi wa Mbuga ya Manyara kupita vijiji vilivyopakana na mbuga hiyo kutoa elimu ya kufukuza tembo kwa utaratibu ili kutoleta madhara na kuharibu mazao ya wananchi.Mhe Twange ameyasema hayo leo kwenye Mkutano wa hadhara wa kusikiliza na kutatua kero za wananchi uliofanyika katika kijiji cha Magara kata ya Magara H/ W ya Babati. " Piteni katika vijiji vinavyozunguka hifadhi  toeni elimu dhidi ya kuwaondoa wanyama waharibifu kwa utaratibu bila kuleta madhara kwa wananchi" amesisitiza kiongozi huyo.Wakati huohuo ameagiza mhifadhi mkuu kuwa na mahusiano mema na wananchi wanapoitwa watoe ushirikiano kwa manufaa ya pande zote mbili.Naye Mkurugenzi Mtendaji wa H/W Babati Anna Mbogo ameagiza Walimu wote wanaojitolea kufundisha kwa kufuata sheria kanuni na taratibu za ufundishaji zilizowekwa na serikali na kusikiliza wakuu wao wa kazi kwa ajili ya kuendeleza elimu.MheTwange ameongozana na meneja TANESCO,TARURA,RUWASA, Wakuu wa Idara na kutatua kero za wananchi.