Baraza la Madiwani Lapitisha Mpango wa Bajeti ya Mwaka 2023/2024

Posted on: January 20th, 2023

Baraza la Madiwani la H/ Wilaya ya Babati limejadili na kupitisha mapendekezo ya Makadirio ya Mpango na Bajeti ya Mapato na Matumizi ya kiasi Tsh 62,092,419,436 Kwa mwaka fedha  2023/2024. Hayo yamesemwa na  Mwenyekiti wa Baraza hilo Mhe. John Noya leo kwenye Mkutano Maalumu wa Baraza la Madiwani wa kujadili wa kujadili Mpango na Bajeti ya Mwaka 2023/2024 uliofanyika leo katika Ukumbi wa H/ Wilaya ya Babati.  Mwenyekiti huyo amesema Kiasi Cha Tsh 3,445,000,000 ni fedha kutoka mapato ya ndani na kiasi kinachobaki nifedha  kutoka Serikali kuu, wadau wa maendeleo na Wananchi.  Mwenyekiti huyo amewataka Madiwani  kwenda kwenye Kata na Vijiji kufanya vikao  na  Wananchi kuwaeleza kazi nzuri zinazofanywa na Serikali hasa Kwa kutoa fedha za miradi Kwa Kila Kata, kwenda kusimamia miradi  ijengwe kwa ubora unaotakiwa na kudhibiti Matumizi mabaya ya fedha. Mkurugenzi Mtendaji wa H/ Wilaya Anna Mbogo ameshukuru Serikali Kwa  kuendelea kutoa fedha za ujenzi wa Miradi katika Halmashauri ya Wilaya ya Babati .