Taasisi na Mashirika Watakiwa Kushirikiana na Halmashauri

Posted on: January 29th, 2021

Baraza la Madiwani la H/Wilaya ya Babati  limewataka Wadau wa Maendeleo, Mashirika  na Idara za Serikali na Halmashauri kushirikiana kwa pamoja kuhakikisha wananchi wanapata maendeleo. Hayo ameyasema M/Kiti wa H/ Wilaya ya Babati Mhe. John Noya leo kwenye Mkutano Maalum wa siku ya Pili wa Baraza hilo wa Kujadili Mpango na Bajeti kwa mwaka 2021/2022 kwa Wadau wa Maendeleo , Mashirika na Idara za serikali uliofanyika Makao Makuu ya H/W -Kijiji cha Loto kata ya Dareda . "Nyinyi Wadau wa Maendeleo, Mashirika na Idara za Serikali na Halmashauri ,wote kwa pamoja tunafanya kazi  kuwaendeleza wananchi ni lazima tushirikiane" amesisitiza kiongozi huyo. Katika mkutano huo wajumbe wameliomba shirika la TANESCO  kutumia lugha nzuri  na kupokea simu wanapopigiwa  na Wananchi. Mashirika na Wadau wa Maendeleo waliowasilisha Mipango na Bajeti ni TARURA, RUWASA,TANESCO, NHIF na  KARIMU Internationa .Katika kikao hicho wajumbe wamepongeza Wadau wa maendeleo na Mashirika kwa mipango na kazi nzuri wanazozifanya ktk H/W ya Babati